A MIO LINGUA
(I Muvrini - "Quorum" - 1989)

A mio lingua hè cantu
Chì colma u core
D'amore tamantu
E' fiurisce l'ore
E' fiurisce l'ore

A mio lingua hè pientu
Chì strappa u core
Voceru o lamentu
Quandu un omu more
Quandu un omu more

A mio lingua hè mughju
Di stizza è rivolta
Chì colla in carrughju
I ghjorni di lotta

A mio lingua hè fola
E' veghja incantata
Hè sonniu chì vola
Tutta la nuttata

A mio lingua hè gioia
E' musica è ballu
A mio lingua hè toia
Chì a ti ricalu

(M.V. Acquaviva - G.F. Bernardini)